بلاول دی عمر توںودھ ساڈا تجربہ اے : احسن اقبال

اسلام آباد( پنجابی میڈیا گروپ) مسلم لیگ(ن)دے رہنما احسن اقبال ہوراں آکھیا کہ بلاول بھٹو دی عمر توں ودھ ساڈا تجربہ اے
اسلام آباد وچ میڈیا نال گل بات کر دیاں احسن اقبال ہوراں آکھیا کہ پچھلے دناں عمران خان نے قوم دے ساہمنے رونا رویا ، عدالتی نظام اُتے حملہ کیتا، عمران نیازی فرماتے نیں کہ اوہ اپنا ایجنڈا عدلیہ دے عدم تعاون دے باعث پورا نہیں کرپا رہے، عمران نیازی عدلیہ نال کس قسم دا تعاون چاہ رہے آں؟ کیہ اوہ چاہندے نیں عدلیہ اوہناں دے الف لیلی احتساب کہانیاں اُتے سب نوں جیل اندر ڈال دئے؟۔ فیر مطالبہ کرنا واں کہ ساڈے خلاف کیساں دی براہ راست کوریج کیتی جائے، قوم نوں پتہ چلے عمران نیازی دے کول الف لیلی دیاں کہانیاں دے سوا کجھ نہیں۔