پاکستان:نوجواناں دی ویکسی نیشن شروع کرن دا اعلان

اسلام آباد( پنجابی میڈیا گروپ)پاکستان وچ نوجواناں دی ویکسی نیشن دا عمل مرحلہ وار شروع کرن دا اعلان کر دتا گیا اے۔ اگلے مہینے دیس دی ودھ توں ودھ آبادی نوں ویکسین دے عمل توں گزاریا جائے گا۔ ڈاکٹر فیصل سلطان نے ا میڈیا نال گل کردیاں حکومتی فیصلے توں آگاہ کردیاں آکھیاکورونا وائرس توں بچاؤ لئی حکومت عملی اقدامات کر رہی اے۔ حکومت منصوبے دے مطابق ویکسین دی بلاتعطل فراہمی نوں یقینی بنا رہی اے۔ اوہناں نے شہریاں توں اپیل کیتی کہ اوہ احتیاطی تدابیر تے سختی نال عمل کرن تے کورونا وائرس توں بچاؤ لئی سماجی فاصلے نوں یقینی بناون۔ اوہناں دا کہنا سی منظم انداز وچ ویکسین لائی جا رہی اے جد کہ حکومت شہریاں لئی ویکسین خرید وی رہی اے۔ دوجے پاسے پارلیمانی سیکرٹری برائے قومی صحت خدمات ڈاکٹر نوشین حامد نے آکھیا اے کووڈ 19ویکسین دی 9لکھ توں ودھ خوراکاں پاکستان نوں دتی گئیاں نیں۔ سرکاری مراکز دا انتخاب کرن والیاں نوں ایہ ویکسین بلامعاوضہ مل جائے گی۔