سرکار چیئرمین نیب نوں بلیک میل کر رہی اے، شاہد خاقان عباسی

اسلام آباد( پنجابی میڈیا گروپ)پچھلے وزیراعظم شاہد خاقان عباسی نے آکھیا اے کہ نیب ملک دی سیاست نوں تباہ کرن لئی کم جاری رکھے ہوئے اے ‘سرکار چیئرمین نیب نوں بلیک میل کر رہی اے۔سرکار دے کول چیئرمین نیب دی ویڈیوز نیں ۔پیپلزپارٹی نے اتحاد توڑیا اے ایس نوں جواب دینا ہووے گا۔ ایہناں خیالات دا اظہار اوہناں نے پچھلے روز احتساب عدالت وچ پیشی دے بعد میڈیا دے نال گل بات کر دیاں ہویاں کیتا۔ اوہناں نے ایہوی وی آکھیا کہ ایل این جی ریفرنس وچ کوئی حقیت نہیں۔ احتساب دا ادارہ خود قابل احتساب اے۔ سرکار روز ویلٹ ہوٹل دے معاملے اتے واضح تکرے کہ آخر ایہہ ہے کیہ ‘ایہہ ہوٹل پاکستان دی ملکیت اے تے ایس حقیقت عوام نوں دسنا ضروری اے۔شاہد خاقان عباسی ہوراں نے آکھیا اے کہ نیب دی سرکس چلدی روے گی۔ ایہہ بوہت پرانی اے نیب مقصد ای سیاستداناں نوں ٹارگٹ کرنا اے۔ ملک چلا لین تے فیر نیب نوں چلا لین۔ نیب نوں سرکار دی کرپشن نظر نہیں آئوندی۔