بڈھے شہریاں نو ں کورونا ویکسین گھر اُتے جا کے لا ن دا فیصلہ

اسلام آباد( پنجابی میڈیا گروپ) این سی او سی نے بڈھے شہریاں نوں کورونا ویکسی نیشن گھر اُتے کرن دا فیصلہ کیتا اے نال ہی نال غیر ملکی شہریاں دی ویکسی نیشن دا فیصلہ وی کیتا اے میڈیا دے مطابقبڈھے شہریاں دی ویکسی نیشن دے حوالے نال اج این سی او سی دا اجلاس منعقد ہوئیا جس وچ بڈھے شہریاں دی سہولت لئی اہم فیصلہ کیتا گیا۔وزارت صحت حکام ولوں پنجاب تے اسلام آباد وچ بڈھے شہریاں دی کورونا ویکسی نیشن گھر اُتے کرن دا فیصلہ کیتا گیا اے، ابتدائی طور اُتے پنجاب تے اسلام آباد وچ80سال توں ودھ دے شہریاں دی ویکسی نیشن گھر اُتے کیتی جائے گی۔حکام نے آکھیا اے کہ80سال توں ودھ افراد نوں گھر اُتے کورونا ویکسی نیشن دی سہولت دین لئی باقی صوبیاں نوں وی آکھیا اے، عوام گھر اُتے ویکسی نیشن دا عمل اپنی سہولت نوں ویکھ کر کرسکدے نیں، 80سال دے افراد کی ویکسی نیشن دو دناں تک شروع کر دتی جائے گی۔