وزیراعظم نوں نقصان اپڑان دا تصور وی نہیں کر سکدا: جہانگیر ترین

ملتان: تحریک انصاف دے رہنما جہانگیر ترین نے آکھیا اے وزیراعظم نوں نقصان اپڑان دا تصور وی نہیں کر سکدا۔ جہانگیر ترین دے جہاز تے یوسف رضا گیلانی دے سفر دے حوالے نال جہانگیر ترین دے ذرائع نے معاملے دی وضاحت کر دتی اے تے آکھیا اے جہانگیر ترین تے مخدوم احمد محمود دے وکھرے وکھرے جہاز نیں۔ ذرائع دے مطابق جہانگیر ترین نے آکھیا اے پوری ایماندار تے خلوص نال وزیراعظم دا ساتھ دتا، مخدوم احمد محمود دا جہاز یوسف رضا گیلانی نے استعمال کیتا تے میرا کیہ قصور اے، سرکار نوں میرے جہاز بارے غلط رپورٹ دتی گئی تے ایس سارے معاملے دے پچھے اعظم خان، شہزاد اکبر نیں، وزیراعظم نوں نقصان اپڑان دا تصور ای نہیں کر سکدا، میرا دامن صاف اے۔