وزیر اعظم یکم مئی نوں قائداعظم بزنس پارک دے ترقیاتی کماںدا سنگ بنیاد رکھن گے

لہور(پنجابی میڈیا گروپ ) پنجاب انڈسٹریل اسٹیٹس ڈویلپمنٹ اینڈ مینجمنٹ کمپنی دے بورڈ آف ڈائریکٹرز نے قائداعظم بزنس پارک شیخورہ پورہ دے ترقیاتی کماں دا ٹھیکہ 8ارب 49 کروڑ روپے وچ دین دی منظوری دے دتی ایس توں پہلاں ترقیاتی کماں دا تخمینہ 15 ارب روپے وچ دتا گیا سی۔بورڈ دا اجلاس چیئرمین سید نبیل ہاشمی دی زیر صدارت ہوئیا جس وچ پچھلے اجلاس دی کارروائی دی منظوری دتی گئی تے سابقہ اجلاساں دے فیصلیاں اُتے عمل دا جائزہ لیتا گیا۔بورڈ نے پروکیورمنٹ کمیٹی دیاں سفارشاں دے مطابق قائداعظم سولر پارک بہاولپور وچ تھرڈ پارٹی ویلیڈیشن لئی29 لکھ روپے تے سی سی ٹی وی سرویلنس سسٹم دے آپریشنز لئی1کروڑ18لکھ روپے دی منظوری دتی، نیشنل ہائی وے توں بہاولپور انڈسٹریل اسٹیٹ تک سڑک بناون لئی3کروڑ57لکھ روپے،بھلوال انڈسٹریل اسٹیٹ وچ کھلوتے پانی دے ڈرین دی کنسلٹنسی سروسز دے لئی19 لاکھ روپے، وہاڑی انڈسٹریل اسٹیٹ میں الیکٹرک ڈیپارٹمنٹ کے ضروری سامان کی خریداری کے لئی18لکھ روپے تے چونیاں ایکوا پارک دے تفصیلی ڈیزائن تے ماسٹرپلاننگ دی کنسلٹنسی سروسز دے لئی27لکھ80ہزار روپے دی منظوری دے دتی۔