ملتان :12بندیاں دی بینائی ضائع ہون اُتے اسپتال نوں صرف5لکھ روپے جرمانہ

ملتان( پنجابی میڈیا گروپ) پنجاب ہیلتھ کیئر کمیشن نے نجی لئیق رفیق اسپتال دے میڈیکل کیمپ وچ غلط سرجری پاروں12بندیاں دی بینائی ضائع ہون دی تحقیقات مکمل کر لئی۔
آکھاں دے غلط آپریشن اُتے لئیق رفیق ہسپتال نوں5لکھ روپے جرمانہ جدکہ آپریشن کرن والے ڈاکٹر دا کیس پاکستان میڈیکل کمیشن تیمحکمہ صحت نوں گھل دتا گیا۔
ترجمان پنجاب ہیلتھ کیئر کمیشن دے مطابق ڈاکٹر حسنین دے خلاف فوجداری کارروائی دی تجویز دتی گئی اے تے مقدمے دا فیصلہ متاثرین اُتے چھڈ دتا گیا اے کہ اوہ ڈاکٹر دے خلاف اندراجِ مقدمہ لئی پولیس نوںدرخواست دے سکدے نیں۔
لئیق رفیق ہسپتال ملتان وچ پچھلے مہینے16بندیاں دیاں آکھاں دے آپریشن کیتے گئے سن مگردو دناں بعدہی 12بندیاں نوںشدیدانفیکشن ہوگیا تیبعد وچ اوہناں دی بینائی جاندی رہی۔