ایہ چور بازاری نہیں چاہیدی، اگلا الیکشن انتخابی اصلاحات نال کراواں گے: شہباز گل

اسلام آباد( پنجابی میڈیا گروپ)شہباز گل ہوراں اکھیا کہ ایہ چور بازاری نہیں چاہیدی، قوم ایس دی متحمل نہیں ہوسکدی، وزیراعظم عمران خان دا انتخابی اصلاحات دا فیصلہ درست اے، اگلا الیکشن انتخابی اصلاحات نال کراواںگے۔معاون خصوصی شہباز گل نے پریس کانفرنس کردئیاں آکھیا کہ کورونا دی وجہ نال کراچی ضمنی انتخابات دے حق وچ نہیں سن ملک وچ کورونا دے مریضاں وچ تعداد تشویشناک اے، ساریاں جماعتاںدا ایہ خیال سی کہ الیکشن تاخیر نال ہونا چاہیدا، این اے249دے نتیجے نوں جمہوریت لئی افسوسناک آکھاں گا، مریم بی بی، زبیر صاحب چیخ رہے نیںکہ اوہناں دے نال دھاندلی ہوگئی، الیکشن رول دے مطابق10فیصد توںگھٹ ٹرن آٹ اُتے الیکشن کالعدم ہو جاندا اے۔