اگلے کجھ ہفتے خطرناک نیں، کورونا ایس او پیزاُتے عمل کیتا جاوے، اسد عمر

اسلام آباد(پنجابی میڈیا گروپ)وفاقی و زیر اسد عمر نے آکھیا اے ملک وچ اگلے چند ہفتے خطرناک نیں، کورونا ایس او پیزاتے عمل کیتا جاوے‘کرونا وچ اضافہ جاری اے۔ کورونا وبا نوں تیزی دے نال پھیلن دتا تے کوئی سسٹم مقابلہ نہیں کرسکدا۔ایس او پیز تے عمل درآمد ویلے دی اہم لوڑ اے۔وفاقی وزیر منصوبہ بندی اسد عمر نے سماجی رابطے دی ویب سائٹ اتے ٹویٹ کردیاں ہویاں آکھیا اے کہ ملک وچ تشویشناک مریضاں دی تعداد 5 ہزار 360 ہو چکی، تشویشناک مریضاں دی تعداد پچھلے سال جون دے مقابلے وچ57 فیصد زائد اے، ہنی تیک اتنے زیادہ کرونا کیسز منظم طریقے دے نال نمٹائے گئے۔ ہیلتھ سسٹم، آکسیجن پیدوار توں بیڈز دی استعداد کار ودھان دے باعث ممکن ہویا۔اسد عمر داآکھنا سی کہ فیصلہ کن فیصلہ سازی اعدادوشمار دے ڈیٹا اتے مبنی تجزیاتی نقطہ نظر رہیا اے ‘ قومی سطح اتے مربوط کوششاں، محنتی ٹیماں دے نال مشکل چیلنج وچ کوششاں جاری رکھیاں، چیلنج ہنی ختم نہیں ہویا، کورونا وائرس وچ اضافہ جاری اے۔ احتیاطی تدابیر اختیار کرن دی لوڑ اے۔