کورنا دی تیجی لہرخطرناک ثابت ہو رہی اے، شاہ محمود قریشی

اسلام آباد (پنجابی میڈیا گروپ) وزیر خارجہ شاہ محمود قریشی نے آکھیا اے کہ پاکستان وچ کرونا دی تیجی لہر زیادہ خطرناک تے مہلک ثابت ہو رہی اے۔جدوں ایہہ وبا منظر عام اتے آئی اے۔ سرکار پاکستان‘ انسانی جاناں دے نال نال ‘معیشت نوں بچان لئی اپنی بھرپور کاوشاں بروئے کار لے آرہی اے۔ وزیر خارجہ مخدوم شاہ محمود قریشی نے ،ہنگری دے وزیر خارجہ و تجارت پیٹر سجارتو دے ہمراہ بزنس کمیونٹی دے نال خطاب کیتا ۔اوہناں نے مزیدآکھیا اے کہ کرونا وبا دے دوران ہنگری دے وزیر خارجہ وتجارت دی آمد ساڈے دوطرفہ تعلقات دی اہمیت دا موہنہ بولدا ثبوت اے۔ تہاڈا ایہہ دورہ ساڈے دوطرفہ تجارتی و اقتصادی تعاون دے فروغ تے پاکستان – ہنگری دوستی دے حوالے دے نال سنگ میل دی حیثیت رکھدا اے ۔مینوں توقع اے کہ ساڈے ایہہ دوطرفہ تعلقات ایتھوں مزید اگے ودھن گے۔ میں کووڈ 19 دے خلاف جنگ وچ تہاڈی سرکار دی کامیابی نوں سراہنا چاہناں واں۔ تہاڈی 37 فیصد توں زائد آبادی نوں کرونا ویکسین لگائی جا چکی اے۔ شاہ محمود قریشی ہوراں نے مزیدآکھیا اے کہ پاکستان وچ کرونا دی تیجی لہر زیادہ خطرناک تے مہلک ثابت ہو رہی اے۔جدوں توں ایہہ وباء منظر عام اتے آئی اے سرکار پاکستان‘ انسانی جاناں دے نال نال ‘معیشت نوں بچان لئی اپنی بھرپور کاوشاں بروئے کار لے آرہی اے۔