وزیراعظم ہوراں آکھیا کہ میرے معاملات اوہ آپئی ویکھن گے، جہانگیر ترین

لہور( پنجابی میڈیا گروپ) تحریک انصاف دے رہنما جہانگیر ترین ہوراں آکھیا اے کہ وزیراعظم نے میرے دوستاں نوں یقین دہانی کرائی اے کہ اوہ آپئی اوہناں دے معاملات نوں ویکھن گے۔
لہور وچ عدالت پیشی دے موقع اُتیمیڈیا نال گل بات کر دئیاں جہانگیر ترین ہوراں آکھیا کہ تفیش توں نہیں ڈر تے ،انصاف چاہندے آں، میں مقدمیاں توں نہیں پَجھ رہیا بلکہ عدالتاں دا سامنا کررہیا واں، اک سال توں تفتیش ہورہی اے، اسیںہزاراں نہیں لاکھاں دستاویزاں دتیاں نیں۔اسیں کدی نہیں آکھیا کہ کیس ختم کردیو، اسیں چاہندے آں کہ پوری طرح تفتیش ہوئے تاکہ عوام وی ویکھے کہ اسیں ٹھیک سرخرو ہوئے آں۔جہانگیر ترین ہوراں آکھیا کہ میرا کیس کرمنل نہیں، ایس وچ ایف آئی اے دا کوئی کردار نہیں اے کیونکہ ایہ کاروباری معاملہ اے جیہڑا ایس ای سی پی سی بارے ایس وچ قومی خزانے دا کوئی استعال نہیں ہوئیا۔