خیبرپختونخوا وچ کورونا مثبت کیساںدی شرح گھٹ گئی

پشور( پنجابی میڈیا گروپ)خیبرپختونخوا وچ کورونا مثبت کیساں دی شرح گھٹ ہو کہ8.7فیصد تک آگئی۔ ہسپتالاں وچ وی داخل مریضاں دی تعداد وی گھٹ گئی۔
محکمہ صحت دے مطابق پچھلے7دناں دے دوران مثبت کیساںدی سب توں ودھ شرح بونیر وچ28فیصد رہی، پشور، مردان، ملاکنڈ سنے6 ضعلیاں وچ شرح15توں17فیصد رہی۔ صوبے وچ کورونا ایکٹیو کیس11ہزار640رہ گئے نیں۔
ہسپتالاں وچ کورونا دے1ہزار198مریض داخل نیں، مجموعی طور اُتے مختلف ہسپتالاں وچ77مریض وینٹی لیٹر، 168آئی سی یوز،946مریض ایچ ڈی یوز تے607مریض آئیسولیشن وچ نیں۔ محکمہ صحت دے مطابق خیبرپختونخوا وچ کورونا مثبت کیساں شرح گھٹ کے8.7فیصد تک آگئی اے۔