ساڈی حکومت وچ کرپشن دا اک وی سکینڈل ساہمنے نہیں آیا:عثمان بزدار

لہور( پنجابی میڈیا گروپ)وزیراعلی عثمان بزدار ہوراں آکھیا کہ سابق حکمراناں نے قومی وسائل نوں ذاتی نمودو نمائش اُتے استعمال کیتا، ماضی وچ ہر روز کرپشن دیاں داستاناں ساہمنے آندیاں سن، ساڈی حکومت دا اک وی سکینڈل ساہمنے نہیں آیا۔وزیراعلی عثمان بزدار نال صوبائی وزرا، اراکین قومی و صوبائی اسمبلی تے تحریک انصاف دے رہنماواں ملاقات کیتی۔ اوہناں وچ صوبائی وزیر لائیو سٹاک سردار حسنین بہادر دریشک، وزیر اعظم دے معاون خصوصی برائے فوڈ جمشید اقبال چیمہ، اراکین قومی اسمبلی راجہ ریاض، حاجی امتیاز احمد، اراکین پنجاب اسمبلی شہاب الدین خان، عادل پرویز، عبدالرحمن خان، ملک اسد کھوکھر، طارق تارڑ، رائے حسن نواز اور طاہر بشیر چیمہ شامل سن۔ایس موقع اُتے عثمان بزدار ہوراں آکھیا کہ تحریک انصاف دی حکومت نے ڈھائی سالاں دے دوران عوامی خدمت دی نویں مثال قائم کیتی، پچھلے دور وچ عوام پسدی رہی تے حکمراناں سرکاری پیسے نوں مال مفت سمجھ کے خرچ کردیئے رہے۔