جنے پیسے سندھ وچ خرچ ہوئے اوس نوں تے پیرس بن جانا چاہیدا سی، چیف جسٹس

اسلام آباد( پنجابی میڈیا گروپ) سپریم کورٹ نے سندھ حکومت دی تعلیم، صحت بارے رپورٹ غیر تسلی بخش قرار دے دتی۔
سپریم کورٹ وچ کورونا وائرس ازخودنوٹس دی سماعت ہوئی جس دے دوران حکومت سندھ نے تعلیم، صحت تے ہوراں شعبیاں اُتے خرچیاں بارے اپنی رپورٹ جمع کرائی۔ عدالت نے ایہ رپورٹ غیر تسلی بخش قرار دے دتی۔
چیف جسٹس نے ایڈیشنل ایڈوکیٹ جنرل سندھ نوںآکھیا کہ حکومت سندھ نے اپنی رپورٹ وچ تعلیم، صحت تے ہوراں شعبیاں وچ خطیر رقم کرن دا ذکر کیتا اے، جنے پیسے تُسی خرچ کرن دا دسیا اے سندھ نوں تے پیرس بن جانا چاہیداسی، سندھ حکومت دی رپورٹ دے مطابق سندھ وچ2013تے2017وچ تعلیم اُتے دو ہزار6ملین امریکی ڈالر خرچ ہوئے، ایس طرح تے سندھ دے تعلیمی اداریاں نوں ہارورڈ بن جانا چاہیدا سی، جنا پیسہ خرچ کیتا سندھ وچ اسکولاں دی صورت وچ محل بن جانے چاہئے سن تے شرح تعلیم سو فیصد ہونی چاہیدی سی، سندھ وچ سارا پیسہ تے تنخواہواں وچ جاندا اے ایڈوکیٹ جنرل سندھ کیوں پیش نہیں ہوئے؟۔
عدالت نے ایڈوکیٹ جنرل سندھ نوں عدم پیشی اُتے تحریری جواب جمع15دناں وچ جمع کران دی ہدایت کردتی۔