کالعدم تحریک لبیک دی نظرثانی درخواست سنن لئی3نام تجویز
اسلام آباد( پنجابی میڈیا گروپ) وزارت داخلہ نے کالعدم تحریک لبیک دی نظرثانی دی درخواست سنن والی کمیٹی لئی3نام تجویز کر دتے۔
میڈیا دے مطابق وزارت داخلہ نے کالعدم تحریک لبیک پاکستان دی پابندی اُتے نظر ثانی درخواست سنن لئی کمیٹی دے قیام دی سمری وزیراعظم نوں گھل دتی۔ کمیٹی تشکیل دی منظوری وفاقی کابینہ توں لتی جائے گی۔
وزارت داخلہ نے کمیٹی لئی تین نام تجویز کیتے نیں، کمیٹی وچ ایڈیشنل سیکرٹری داخلہ محمد ایوب چوہدری، جوائنٹ سیکرٹری داخلہ محمد رمضان تے وزارت قنون دے جوائنٹ سیکرٹری خرم شہزاد مغل کمیٹی شامل نیں۔ کمیٹی کابینہ دی منظوری توں بعد ٹی ایل پی دی اپیل اُتے نظر ثانی شروع کرے گی۔
یادرہے کہ احتجاجی مظاہریاں توں بعد پچھلے مہینے وزارت داخلہ نے وفاقی کابینہ دی منظوری دے بعد انسداد دہشتگردی ایکٹ1997دے تحت تحریک لبیک پاکستان نوں کالعدم قرار دتا سی۔
Users Today : 538
Users Yesterday : 637
Total Users : 727996
Views Today : 2354
Total views : 11606167
Who's Online : 4
