یوٹیلٹی اسٹوراں توں چینی دے نال دُوجیاں شیواں خریدن دی شرط ختم

اسلام آباد( پنجابی میڈیا گروپ) یوٹیلٹی اسٹورز توں چینی دے نال دُوجیاں شیواں خریدن دی شرط ختم کر دتی گئی
میڈیا دے مطابق قومی اسمبلی دی پبلک اکانٹس کمیٹی دا اجلاس رانا تنویر حسین دی زیر صدارت ہوئیا،
اجلاس کے دوران چیئرمین کمیٹی نے یوٹیلٹی اسٹوراں توں چینی خریدن لئی دُوجیاں شیواں خریدن دی شرط اُتے ایم ڈی یوٹیلٹی اسٹوراں دی سرزنش کیتی،تے آکھیا کہ لوکاں دے کول چینی خریدن لئی پیسے نہیں تُسی نال شیمو دے رہے او، ایہ کیہ طریقہ اے؟ جس چیز دی ضرورت نہیں تُسی اوہ لوکاں نوں خریدن لئی کیوں مجبور کررہے او۔
اجلاس وچ یوٹیلٹی سٹور کارپوریشن آف پاکستان دی آڈٹ پیراز2019-20دا جائزہ لتا گیا۔ اجلاس وچ انکشاف ہوئیا کہ ملک دے سارے یوٹیلٹی اسٹوراں اُتے2015توں2020تک تقریبا68کروڑ روپے دی کرپشن ہوئی۔
اجلاس وچ آڈٹ حکام نے دسیا کہ2015توں2020تک تقریبا68کروڑ روپے دی کرپشن ہوئی، اسٹوراں دے64ریجن وچوں30ریجن اندر15کروڑ توں ودھ دی خوردبرد ہوئی، اسٹوران دے صرف6ملازماں نے2کروڑ12لکھ دی کرپشن کیتی۔ ایم ڈی یوٹیلٹی اسٹوراں نے اجلاس نوں دسیا کہ اوہناں ملازماں دے خلاف ایف آئی اے وچ کیس چل رہے نیں، لُٹی گئی2کروڑ12لکھ روپے دی رقم وچوں1کروڑ11لکھ ریکور کر لئیاے، جون دے آخر وچ ڈیٹا ریکارڈ لئی کمپیوٹر سسٹم وچ نصب کر دتا جائے گا، ایف آئی اے یوٹیلٹی سٹوراں دے96کیساں دی انکوائری کررہیا اے۔