ماسک پان دی تاکید : شہریاں دا پولیس ملازماں اُتے تشدد

لہور( پنجابی میڈیا گروپ)لہور پھلروان دے علاقے وچ شہریاں نے پولیس اہلکاراں نوں تشدد دا نشانہ بنایا، واقعے دی ویڈیو وی وائرل ہوگئی اے، جس وچ واضح طور اُتے ویکھا جاسکدا اے کہ شہری پولیس ملازماں نوں مکے تے تھپڑ مار رہے نیں پولیس ملازماں دے مطابق عوام نوں ماسک پان اُتے پابندی کروائی جارہی سی، ملازماں نے اک نوجوان نوں ماسک پان دی تاکید کیتی۔ جس اُتے نوجوان تے پولیس ملازماں دے درمیان تلخ کلامی ہوگئی، نوجوان نے اپنے ہوراں ساتھیاں نوں سدھ لیا تے سب نے مل کے پولیس ملازماں اُتے مکیاں تے تھپڑاں دی بارش کردتی، جس نال ملازم شدید زخمی ہوگئے۔ملازماں دے مطابق نوجواناں دے پولیس ملازماں اُتے تشدد دی ویڈیو وائرل ہوگئی، ویڈیو وچ تشدد کرن والے چاراں نوجواناں نوں گرفتار کر لیا گیا اے، جد کہ تھانہ برکی وچ ملزمان دے خلاف مقدمہ وچ درج کرلیا گیا اے۔