پنجاب ہر پاسوں دُوجے صوبیاں توں اگے جا رہیا اے: وزیراعلی عثمان بزدار

لہور(پنجابی میڈیا گروپ)وزیراعلی عثمان بزدار ہوراں آکھیاکہ پنجاب ہر پاسوں دُوجیاں صوبیاںتوں اگے جا رہیا اے، حکومت مدت پوری کرے گی تے عام انتخابات2023وچ ہون گے۔
وزیراعلی عثمان بزدار نے ایوان وزیراعلی وچ صوبائی وزیراں تے ارکاناں قومی تے صوبائی اسمبلی نال ملاقات وچ آکھیا کہ پی ڈی ایم دی منفی سیاست ختم ہوچکی، عوام صرف ترقی تے خوشحالی چاہندی اے، ماضی دی حکومت نے پسماندہ علاقیاں اپتے کوئی توجہ نہیں دتی۔ تحریک انصاف دی حکومت ہر شہر دی یکساں ترقی اُتے عمل کر رہی اے۔
عثمان بزدار دا کہنا سی کہ وزیراعظم عمران خان دی قیادت وچ ترقی دا ایہ سفر ہور تیز کرن گے، کسی شہر دی حق تلفی نہیں ہون دیاںگا۔ وزیراعلی نال ملاقات کرن والیاں وچ صوبائی وزیر زراعت سید حسنین جہانیاں گردیزی، معاون خصوصی امیر محمد خان، اراکین قومی اسمبلی چوہدری عامر سلطان چیمہ، محمد افضل خان ڈھانڈلہ، اراکین پنجاب اسمبلی غضنفر عباس چھینہ، محمد عامر عنایت شہانی، جاوید کوثر، مسرت جمشید چیمہ اور محمد لطیف نذر شامل سن۔