انتخابی اصلاحات دے مخالف دھاندلی دے سپورٹر بن رہے نیں: گورنر پنجاب

لہور( پنجابی میڈیا گروپ)گورنر پنجاب چودھری سرور ہوراں آکھیا کہ شفاف الیکشن نال ملک وچ جمہوریت تے پارلیمنٹ مضبوط ہوئے گی، انتخابی اصلاحات دے مخالفین دھاندلی دے سپورٹر نیں۔
گورنر ہائوس وچ گورنر پنجاب چودھری سرور نے ایم این اے صداقت عباسی نال ملاقات وچ آکھیا کہ اورسیز پاکستانیاں نوں ووٹ دا حق دین دا حکومتی فیصلہ تریخی کم اے، اپوزیشن نوں ضد تے انا پر ستی اُتے مبنی سیاست دا رویہ ترک کر دینا چاہیدا، اپوزیشن نوں انتخابی اصلاحات لئی حکومت دے نال بیٹھنا چاہیدا اے۔
چودھری سرور دا کہنا سی کہ اسیں اینج دے شفاف الیکشن چاہدے آں جس اُتے کوئی انگلی نہ چُکے۔ ای پولنگ نال رزلٹ تھوڑے منٹاں وچ سب دے ساہمنے ہون گے، ہر معاملے وچ میں نہ مانوں والی اپوزیشن دی سیاست جمہوریت دی نفی اے۔