ماپیاںنوں گھراں توں کڈن اُتے اک سال قید: آرڈیننس جاری

اسلام آباد( پنجابی میڈیا گروپ)ماپیاں نوں گھراں توں کڈن اُتے سزاہوئے گی، اک سال قیدتے جرمانہ ہوئے گا۔ صدر مملکت نے آرڈیننس جاری کر دتا۔
تفصیل دے مطابق صدر مملکت ڈاکٹر عارف علوی نے آئین دے آرٹیکل89دے تحت تحفظ والدین آرڈیننس2021جاری کردتا اے، آرڈیننس دا مقصد بالاں ولوں ماپیاںنوں زبردستی گھراں توں کڈن دے خلاف تحفظ فراہم کرنا اے۔
آرڈیننس دے تحت ماپیاں نوں گھراں توں کڈنا قابل سزا جرم ہوئے گا، ماپیاں نوں گھراں توں کڈن اُتے اک سال تک قید، جرمانہ یا دوناں سزاواں دتیاں جان گیاں۔ گھر بالاں دی ملکیت ہون یا کرائے اُتے ہون کسی صورت وی ماپیاں نوں کڈیاں نیں جاسکے گا۔