شہبازشریف کھلیاں آکھاں نال وزیر اعظم بنن دے خواب ویکھ رہے نیں’ جمشید اقبال چیمہ

لہور( پنجابی میڈیا گروپ) پاکستان تحریک انصاف دے مرکزی رہنما جمشید اقبال چیمہ ہوراں آکھیا کہ ان ہائوس تبدیلی آرہی اے تے نہ حکومت کدھرے جارہی اے ، اپوزیشن صرف اپنا دل بہلان دا ساہمان کر رہی اے ، شہباز شریف کھلیاں آکھاں نال وزیر اعظم بنن دے خواب ویکھ رہے نیں لیکن وڈھا بھرا تے بھتیجی اوہناں دے خواب نوں چکنا چور کر دتے نیں ۔ اپنے بیان وچ اوہناں نے آکھیا کہ مسلم لیگ (ن) وچ ایس ویلے نہ صرف واضح ونڈ اے بلکہ اوس قیادت دے بحران دا وی ساہمنا اے ، اپوزیشن جماعتاں نوں صرف ”چوری ”کھان توں غرض اے اوہناں نے کدی وی عوام لئی جدوجہد نہیں کیتی ۔ بطور اپوزیشن مسلم لیگ (ن) تے پیپلز پارٹی دا کردار سبھ دے ساہمنے اے ، پارلیمنٹ وچ ملک دی بہتری لئی تجویزاں دین دی بجائے صرف اپنی کرپشن بچان دا واویلا کیتا جاندا اے ۔