لہور بار نےنوٹیفکیشن واپس لین اُتےہڑتال ختم کر دتی

لہور ( پنجابی میڈیا گروپ) لہور بار ایسوسی ایشن نے عدالتاں دی ونڈ دا نوٹیفکیشن واپس لین دی یقین دہانی اُتے ہڑتال ختم کر دتی ۔ وکیل عہدیداراں نے چیف جسٹس لہور ہائیکورٹ جسٹس امیر بھٹی نال ملاقات کر کے اپنے تحفظات توں آگاہ کیتا۔ ملاقات وچ جسٹس مسعود جہانگیر، جسٹس شہباز علی رضوی، جسٹس شہرام سرور چوہدری وی موجود سن ۔ نوٹیفکیشن واپس لین دی یقین دہانی اُتے لہور بار ایسوسی ایشن نے ہڑتال ختم کرن دا اعلان کر دتا ۔ نوٹیفکیشن دی واپسی دی یقین دہانی اُتے لہور ہائیکورٹ بار ایسوسی ایشن نے وی جمعرات دے دن دتی گئی ہڑتال دی کال واپس لے لئی۔