پٹرول مہنگا ہون نال مہنگائی ہور ودھے گی ‘پیاف

لہور (پنجابی میڈیا گروپ) پاکستان انڈسٹریل اینڈ ٹریڈرز ایسوسی ایشنز فرنٹ (پیاف) نے مہنگائی وچ جکڑی تے معاشی مسائل توں دوچار عوام اُتے پٹرول بم سُٹن دی سختی نال مذمت کردیاں ہویاں آکھیا کہ پٹرول دی قیمت یکمشت 12.03 روپے تے ڈیزل دی قیمت9.53 روپے یکمشت ودھ کرنا سراسر زیادتی اے ، پیٹرول دی قیمت ودھن نال مہنگائی دا نوا طوفان آن نوں تیار اے، صنعت و تجارت دی پیداواری لاگت ودھ ہو جائے گا،عام ورکرز تے گھت آمدنی والے افراد شدید متاثر ہون گے۔ سینئر وائس چیئرمین ناصر حمید خان تے وائس چیئرمین پیاف جاوید اقبال صدیقی نے اپنے سانجھے بیان وچ آکھیا کہ پٹرول مہنگا ہون نال عام افراد تے ورکراں دی تنخواہ وی ودھنی چاہیدی اے۔