انسان ہمت کر ے تے اپنی منزل پا لیندا اے’خلیل الرحمان قمر

لہور( پنجابی میڈیا گروپ) نامور رائٹر و اداکارخلیل الرحمان قمر نے آکھیا اے کہ انسان زندگی وچ کجھ کرن دا عزم کر ے تے دعوے نال کہنا واں کہ اوہ اپنی منزل پا لیندا اے، اک واقعہ توں بعد دل وچ مصمم ارادہ کیتا سی کہ ہن جدوں وی دوبارہ کار وچ بیٹھاں گا تے اپنی وچ بیٹھاں گا تے خدا دی ذات نے اوس نوں پورا کیتا۔اک انٹرویو وچ خلیل الرحمان قمر نے دسیا کہ جدوں میں ستویں جماعت وچ پڑھدا ساں تے سکول توں آیا تے بوہت بھُک لگی ہوئی سی، بھائی نوں بازار توں روٹی لین گھلیا جس نے تاخیر کر دتی تے میں اوس دے انتظار وچ گلی اندر کھڑا سان کہ اک کار آکے رُکی تے شادباغ دے علاقے وچ گڈی نوں ویکھنا ہی معجزہ ہندا سی۔