اپوزیشن دی سیاست ڈُونگی کھائی وچ جا پئی اے، ہمایوں اختر خان

لہور( پنجابی میڈیا گروپ) پاکستان تحریک انصاف دے سینئر مرکزی رہنما و سابق وفاقی وزیر ہمایوں اختر خان نے آکھیا ہے کہ حکومت نوں5 ورھیاں دا مینڈیٹ ملیا اے تے انشا اللہ حکومت نہ صرف اپنی مدت پوری کرے گی بلکہ اگلے الیکشن وچ وی واضح اکثریت نال دوبارہ حکومت وی بنائے گی ، اپوزیشن دی سیاست ڈُونگی کھائی وچ جا پئی اے تے عوام مسترد شدہ جماعتاں نوں سیاسی طور اُتے ریسکیو کرن لئی بلکل وی آمادہ نہیں ، بر ملا کہندے نیں کہ مہنگائی سبھ توں وڈھا چیلنج اے تے حکومت عوام نوں اوس دے اثرات توں بچان لئی ہر ممکن قدم چُک رہی اے ۔ پچھلے دناں اپنے دفتر وچ حلقہ این اے 131 دے اکابریناں تے رہنماواں نال گل بات کردیاں ہویاں ہمایوں اختر خان نے آکھیا کہ اپوزیشن دی سیاسی اُچھل کود نال حکومت نوں کوئی خطرہ نہیں ، عوام جاندی اے کہ اپنے مفاد لئی چائے دی پیالی وچ طوفان برپاکرن والے اوہناں دے کِنے خیر خواہ نیں۔