عمران خان نوں اپنا نام ”مہنگائی خان ”رکھ لینا چاہیدا ے’حنا پرویز بٹ

لہور( پنجابی میڈیا گروپ ) مسلم لیگ (ن) دی رکن پنجاب اسمبلی حناپرویز بٹ نے آکھیا اے کہ عمران خان نوں اپنا نام تبدیل کرکے ”مہنگائی خان ”رکھ لینا چاہیدا اے، تحریک انصاف پاکستانیاں اُتے مہنگائی دا عذاب مسلط کرن آئی سی، عمران خان دے 4 وزیر خزانہ وی مل کے ملک وچ مہنگائی کنٹرول نہیں کرسکے۔اپنے بیا ن وچ اوہناں نے آکھیا کہ حکومت دا کوئی وی وزیر مینوں15 توں 20ہزار وچ اپنے گھر دا بجٹ بناکر ویکھا دیوے۔پاکستان دی تریخ وچ پہلی وار گھیو400 روپے کلو،چینی100 روپے کلو تے پیٹرول 160 روپے لیٹر تک اپڑگیا اے۔ ایہ سبھ کارنامے تے مہربانیاں تبدیلی سرکار دی نکام معاشی پالیسیاں دا نتیجہ اے۔کورونا پوری دنیا وچ آیا اے مہنگائی وی ودھی اے لیکن حکومتی وزیر پاکستان دی مہنگائی دا موازنہ دُوجے ملکاں نال کنج کر سکدے نیں