بھارت عالمی قنون دیاں دھجیاں اُڑا رہیا اے، محترمہ نوشین حامد

اسلام آباد (پنجابی میڈیا گروپ) وفاقی پارلیمانی سیکرٹری برائے صحت وممبر قومی اسمبلی محترمہ نوشین حامد نال سیکرٹری آل پارٹیز کشمیر پارلیمنٹرینز گروپ برٹش پارلیمنٹ تے ہاؤس آف لارڈ دے رکن لارڈ قربان حسین نے اوہناں دے آفس وچ ملاقات کیتی ۔ ایس موقع اُتے پاکستان تحریک انصاف دی سینیٹر سیمی ایزدی، جموں وکشمیر تحریک حق خودارادیت انٹرنیشنل دے چیئرمین راجہ نجابت حسین، صدر یوتھ پارلیمنٹ عبید الرحمان قریشی تے محمد مہربان وی موجود سن، ملاقات وچ مقبوضہ کشمیر دی تازہ صورتحال ، تحریک آزادی کشمیر تے باہمی دلچسپی اُتے تبادلہ خیال کیتا گیا ۔ وفاقی پارلیمانی سیکرٹری برائے صحت ممبر قومی اسمبلی محترمہ نوشین حامد نے مقبوضہ کشمیر وچ بھارتی بربریت اُتے گل بات کر دیاں ہویاں آکھیا کہ مقبوضہ کشمیر وچ آئے روز جعلی مقابلیاں وچ پڑھے لکھے نوجوان شہید کیتے جا رہے نیں، بھارت عالمی قنون دیاں دھجیاں اُرا رہیا اے