اقوام متحدہ نے سابق افغان صدر محمداشرف غنی دا ناں فہرست توں کڈ دتا

کابل(پنجابی میڈیا گروپ) اقوام متحدہ نے سابق افغان صدر محمداشرف غنی دا ناں سربراہان مملکت دی فہرست توں کڈ دتا اے ،اقوام متحدہ دی آفیشل ویب سائٹ اُتے کجھ دن پہلاں15 فروری نوں نظرثانی شدہ تے ترمیم شدہ فہرست وچ افغانستان دی خاتون اول دے طور اُتے سابق صدراشرف غنی دی گھر والی رولا غنی(بی بی گل) دا ناں وی ہٹا دتا اے لیکن فہرست وچ افغانستان دے صدر دا عہدہ ‘صدر اسلامی جمہوریہ افغانستان ‘ دے طور اُتے بدستور موجود نیں ۔ایسی طرح سابق افغان وزیر خارجہ محمدحنیف اتمر دا ناں وی وزیر خارجہ دی فہرست توں کڈ دتا گیا اے لیکن اقوام متحدہ وچ افغانستان دے نمائندے دے ناظم الامورنصیراحمد فائق دا ناں فہرست وچ درج اے جس نوں افغانستان دے امور اُتے ناظم دے طورتے نامزد کردتا گیا اے۔