رحمان ملک نے ہمیشہ دیانت داری تے اصولاں دی سیاست کیتی’ بلاول بھٹو

لہور( پنجابی میڈیا گروپ) پاکستان پیپلزپارٹی دے چیئرمین بلاول بھٹو زرداری نے پارٹی دے مرکزی رہنما رحمان ملک دے انتقال اُتے اظہار افسوس کردیاں ہویاں رحمان ملک دے بلندی درجات تے لواحقین لئی صبر جمیل دی دعا کیتی اے ۔ اپنے تعزیتی بیان وچ بلاول بھٹو نے آکھیا کہ رحمان ملک نے ہمیشہ دیانت داری تے اصولاں دی سیاست کیتی، جدوں ملک وچ ات گردی عروج اُتے سی تے رحمان ملک نے اَت گردی نوں ختم کرن وچ اک اہم کردار ادا کیتا ، حکومتی تے سیاسی ذمہ داریاں نوں رحمان ملک نے ہمیشہ بہترین طریقے نوں نبھایا ، رحمان ملک دیاں تصنیفات ایس گل دی گواہ اے کہ خطے دی صورت حال اُتے اوہناں دا عبور غیرمعمولی سی۔