حکومت لانگ مارچ وچ کوئی رکاوٹ نہیں پاوے گی: شیخ رشید

اسلام آباد( پنجابی میڈیا گروپ)وفاقی وزیر داخلہ شیخ رشید ہوراںآکھیا کہ پیپلزپارٹی دے لانگ مارچ وچ حکومت کوئی رکاوٹ نہیں پاوے گی، مکمل سکیورٹی فراہم کراں گے۔اسلام آباد وچ پریس کانفرنس نال خطاب کردیاں ہویاں شیخ رشید احمد دا کہنا سی کہ بلاول اسلام آباد آ رہے نیں، کنے لوگ اوس دے نال ہیں۔ اپوزیشن والے پہلاں اک دُوجے دی شکل ویکھن نوں تیار نہیں سن، ہن سارے مفاد پرست اکٹھے ہو گئے نیں ۔ اپوزیشن لئی فیصلہ کرنا مشکل ہو گیا کہ بندر وَنڈ کِنج ہونی اے۔ اوہناں نے آکھیا کہ ساہنوں اپنے اتحادیاں اُتے اعتماد تے فخر اے، اللہ تعالی توں دعا اے کہ جہانگیر ترین صحت یاب ہو جان ۔ عمران خان اپوزیشن اُتے سیاسی سائبر اٹیک کرے گا ۔ واضح رہے کہ تحریک انصاف حکومت دے خلاف بلاول بھٹو زرداری دی قیادت وچ پیپلز پارٹی نے لانگ مارچ شروع کر دتا اے، کارکناں دی وڈھی تعداد مارچ وچ رلتی اے۔ لانگ مارچ دی منزل اسلام آباد اے جس بارے بلاول دا کہنا اے کہ اوہ اسلام آباد وچ عمران خان دیحکومت ڈیگن جا رہے نیں۔