پاک فوج نے27 فروری نوں بھارتی جارحیت دا منہ توڑ جواب دتا ،ڈی جی آئی ایس پی آر

لہور( پنجابی میڈیا گروپ) ڈی جی آئی ایس پی آر میجر جنرل بابر افتخار ہوراں آکھیا کہ آپریشن سوئفٹ ریٹارٹ نوں اج 3 ورھے مکمل ہو گئے،27 فروری نوں بھارت دی نکام جارحیت دا پاکستان دی مسلح افواج نے منہ توڑ جواب دتا ۔ ڈی جی آئی ایس پی آر میجر جنرل بابر افتخار نے ٹویٹر پیغام وچ آکھیا کہ پاکستان ایئر فورس نے27 فروری نوں”آپریشن سوئفٹ ریٹارٹ” دے دوران بھارتی فضائیہ دے دو طیارے مار سُٹے۔ پاک بحریہ نے بھارتی آبدوز دا سراغ لایا ۔ مادروطن دی حفاظت لئی اج دا دن پیشہ وارانہ صلاحیتاں تے عزم دا منہ بولدا ثبوت اے، اسلحہ تے تعداد وچ ودھ ہونا نہیں صرف قومی عزم تے پیشہ وارانہ تیاری نال کامیابی ملدی اے ۔یاد رہے کہ 3 ورھے پہلاں27 فروری نوں پاکستان دے بہادر ہوابازاں نے بھارت دے نام نہاد سورماوں نوں چھٹی دا دُدھ یاد دلا کے تریخ رقم کیتی سی۔ 2 بھارتی جنگی جہاز زمین بوس ہوئے جدکہ بھارتی ہوا باز ابھینندن گرفتار کر لیا گیا سی۔