بلاول3ورھیاں دا حساب لین،تے15ورھیاںدا حساب دین: شاہ محمود

لہور(پنجابی میڈیا گروپ) وزیر خارجہ شاہ محمودہوراںآکھیا اے کہ بلاول بھٹو 3 ورھیاں دا حساب لین اسلام آباد ضرور آون ، ساڈھا دامن صاف اے ، حساب دیاں گے، اسیں وی تہاڈے توں 15 ورھیاں دا حساب منگن آئے ہاں۔حقوق سندھ مارچ دے رلتیاں نال خطاب کردیاں ہویاں پی ٹی آئی رہنما شاہ محمود قریشی ہوراں آکھیا کہ اسیں احتساب توں نہیںگھبران والے مگر15ورھیاں توں سندھ اُتے پیپلز پارٹی دی حکومت اے۔ کراچی توںکچراکون اٹھائے گا، نالے کون صاف کرائے گا ، کراچی دی عوام نوںدن دیہاڑے گن پوائنٹ اُتے لٹیاجارہیا اے۔ سندھ نال میرارشتہ کئی ورھیاں دااے، اج سندھ دی عوام نوںجگان لئی آیاہاں ۔ واضح رہے کہ پی ٹی آئی مارچ شکارپور بائی پاس اپڑ گیا جیتھے رلتیاں دا شاندار استقبال کیتا گیا۔پی ٹی آئی کارکناں نے قائدین دے حق تے سندھ حکومت دے خلاف نعرے بازی کیتی۔