پاکستان دی فضائیہ تے اپنے شاہیناں نوں سلام پیش کردا ہاں،شہباز شریف

اسلام آباد (پنجابی میڈیا گروپ) پاکستان مسلم لیگ (ن) دے صدر تے قائد حزب اختلاف شہبازشریف نے دفاع وطن لئی افواج پاکستان نوں خراج تحسین پیش کردیاں ہویاں آکھیاکہ 27 فروری نوں پاکستان نے دنیا نوں پیغام دتا کہ ساڈھے نال جیہڑا ٹکرائے گا ، پاش پاش ہوجائے گا۔27فروری 2019 دے حوالے نال اپنے بیان وچ اوہناں نے آکھیا کہ اج دا دن ساڈھے لئی سبق اے کہ اسیں اپنی پوری تیاری رکھیئے،مضبوط معیشت، دفاع تے قومی یک جہتی ساڈھے دفاعی حصار نیں ۔اوہناں نے آکھیا کہ 27 فروری 2019 پاکستان دی تریخ دا ناقابل فراموش لیکن قابل فخر دن اے