کسی دا دل جتنا آسان کم نہیں ہندا:عارف لوہار

لہور( پنجابی میڈیا گروپ) معروف فوک گلوکار عارف لوہارنے آکھیا اے کہ کسی دا دل جتنا آسان کم نہیں ہندا تے میرے خیال وچ درویش صفت انسان ہی ایس وچ کامیاب ہو سکدا اے ، جیہڑے لوگ کسی دا دل جیت دے ہیں اوہناں نوں خدا دی ذات نے خصوصی وصف عطا کر رکھی ہندی اے۔خصوصی گل بات کر دیاں ہویاں عارف لوہار نے آکھیا کہ ہر کوئی شخص ہر کسی دا دل نہیں جت سکدا تے جیہڑے لوگ اینج کر سکدے نیں اوہ یقینا درویش صفت لوگ ہندے نیں۔میری وی خواہش ہندی اے کہ میں ہر کسی دے دل وچ اپنی جگہ بناواں تے ایس لئی عاجزی نال رہندا ہاں ۔ اوہناں نے آکھیا کہ خدا دی ذات نے ساہنوں دنیا وچ کسی مقصدلئی گھلیا اے لیکن بد قسمتی نال اسیں غفلت وچ پئے ہوئے ہاں ۔