قوم اَت گرداں دی بزدلانہ کارروائیاں نال کدی مرعوب نہیں ہوئے گی ‘ شبنم مجید

لہور( پنجابی میڈیا گروپ) نامور گلوکارہ شبنم مجید نے آکھیا اے کہ پاکستان وچ جدوں وی انٹر نیشنل کرکٹ دی بحالی ہندی اے ملک دشمن عناصر تخریبی کارروائیاں شروع کر دیندے نیں، اینج دے ویلے وچ جدوں آسٹریلیا دی ٹیم 24 ورھے بعد پاکستان دا دورہ کر رہی اے تے سانحہ پشور ہو گیا ۔ اک انٹر ویو وچ اوہناں نے آکھیا کہ پاکستان دے دشمناں نوں ایتھوں دا امن اک آنکھ نہیں بھاندا ۔ پاکستانی قوم اَت گرداں دی بزدلانہ کارروائیاں نال ہرگز مرعوب نہیں ہوئے گی بلکہ اسیں سانحہ پشور ورگے سانحات توں تقویت لے کے اَت گردی دا قلع قمع کراں گے ۔ اوہناں نے آکھیا کہ پاکستانی قوم اَت گردی دے خلاف جنگ وچ پاک فوج دے شانہ بشانہ اے تے جدوں تک ایس دھرتی توں اَت گردی جڑوں نہیں مُک جاندی اسیں چین نال نہیں بیٹھاں گے۔