پیپلزپارٹی دے استقبالیہ کیمپاں وچ جیالیاں ولوں ناشتے دا اہتمام

لہور( پنجابی میڈیا گروپ) پیپلزپارٹی دے چیئرمین بلاول بھٹوزرداری دی قیادت وچ لہور اپڑن والے عوامی مارچ دے رلتیاں لئی لائے گئے استقبالیہ کیمپاں وچ جیالیاں لئی ناشتے دا اہتمام کیتا گیا ۔ استقبالیہ کیمپاں دی انتظامیہ تے پیپلز پارٹی دے رہنماواں ولوں استقبال لئی جمع ہون والے کارکناں دی حلوہ پوری ، نان چنے ، بونگ پائے تے چائے نال تواضع کیتی گئی ۔ جیالے ایس موقع اُتے اپنی قیادت دے حق وچ نعرے لاندے رہے ۔