سابق صدر جسٹس (ر)رفیق تارڑ دُنیا توں تُر گئے

لہور(پنجابی میڈیا گروپ) پاکستان دے سابق صدر محمد رفیق تارڑ بیماری توں بعد92 ورھے دی عمر وچ دُنیا توں تُر گئے ۔اوہ لمبے عرصے توں بیمار سن۔ اوہناں دی پیدائش منڈی بہائوالدین وچ ہوئی سی، اوہناں نے1951 وچ پنجاب لا کالج توں ایل ایل بی دی ڈگری لئی ، رفیق تارڑ17 جنوری1991 توں یکم نومبر1994 تک سپریم کورٹ دے جج وی رہے۔ مرحوم دا شمار نواز شریف دے اہم ساتھیاں وچ ہندا سی، اوہناں دی بہو سائرہ افضل تارڑ تے پوتا عطا تارڑ (ن) لیگ دے اہم رہنما نیں۔ عطااللہ تارڑ نے ٹوئٹر اُتے دادا دی وفات دی تصدیق کیتی اے۔ اہل خانہ ولوں مرحوم دی نمازہ جنازہ دا اعلان کردتا گیا اے۔ محمد رفیق تارڑ 1997 وچ سپریم کورٹ دے جج دے طور اُتے ریٹائر ہون توں بعد پاکستان مسلم لیگ نواز دے ٹکٹ اُتے سینیٹ دے رکن منتخب ہوئے تے فیر اوسی ورھے ملک دے صدر بنے۔