وزیراعظم عمران خان دے استعفے لئی مطالبے دی قرارداد پنجاب اسمبلی وچ جمع

لہور(پنجابی میڈیاگروپ) وزیراعظم عمران خان دے استعفے دے مطالبے دی قرارداد پنجاب اسمبلی وچ جمع کروا دتی گئی ۔ مسلم لیگ (ن) دی رکن سمیرا کومل ولوں جمع کرائی گئی قرارداد دے متن وچ آکھیا گیا اے کہ ایہ ایوان وزیراعظم ولوں 3 وڈھیاں سیاسی جماعتاں دے لیڈراں بارے بیہودہ الفاظ استعمال دی شدید مذمت کردا اے۔ وزیراعظم دے عہدے اُتے بُراجمان شخص نوں اینج دے الفاظ ہرگز زیب نہیں دیندے، عمران خان وزیراعظم دے عہدے اُتے ہور رہن دا اخلاقی جواز کھوچکے نیں ۔ عمران خان وزارت عظمی دے عہدے توں فوری مستعفی ہون۔