جدوں تک پاکستانی صنعت ترقی نہیں کرے گی ملک ترقی نہیں کرسکدا ، شوکت ترین

اسلام آباد (پنجابی میڈیا گروپ) وفاقی وزیر خزانہ شوکت ترین نے آکھیا اے کہ روس یوکرین جنگ پاروں پیٹرول دیاں قیمتاں ودھایاں، اسیں پیٹرول اُتے104 ارب روپے دی سبسڈی اپنے بجٹ نال دے رہے ہاں جس اُتے آئی ایم ایف نوں تحفظات نہیں ہونے چاہیدے ،عوام سڑکاں اُتے نیں، آئی ایم ایف نوں آکھ دتا اے ہتھ ہولا رکھن ،جدوں تک صنعتاں ترقی نہیں کرن گیاں ملک ترقی نہیں کرسکدا ۔ بدھ نوں ایتھے پریس کانفرنس نال خطا ب کردیاں ہویاں وزیرخزانہ شوکت ترین نے آکھیا کہ جدوں تک صنعت ترقی نہیں کرے گی ملک ترقی نہیں کرسکدا ، ساڈھی حکومت ولوں صنعتاں دی بحالی لئی پیکج دتا گیا ،پیکج دا مقصد بیمار صنعتاں دی بحالی تے مضبوطی اے، حکومت نے پیٹرول دی قیمت گھٹ کیتا تے سیل ٹیکس نوں صفر کیتا۔