دنیا سرمایہ کاری لئی پاکستان ول ویکھ رہی اے،صدر مملکت

اسلام آباد (پنجابی میڈیا گروپ) صدر مملکت ڈاکٹر عارف علوی نے کاروبار تے صنعت وچ جدت لئی انفارمیشن ٹیکنالوجی نوں بروئے کار لیان دی ضرورت اُتے زور دیندیاں ہویاں آکھیا اے کہ کاروباری برادری معیشت دی ترقی تے لوکاں نوں روزگار دی فراہمی وچ نمایاں کردار ادا کرسکدی اے، دنیا سرمایہ کاری لئی پاکستان ول ویکھ رہی اے، حکومت نے آئی ٹی سیکٹر وچ بوہت ودھ مراعات دتیاں نیں ، اوہ کاروباری برادری نوں ساریاں سہولتان فراہم کررہیاں نیں ۔ اوہ ایتھے ایوان صدر وچ لہور چیمبر آف کامرس اینڈ انڈسٹری دے پربندھ ہیٹھ ایوارڈ دی تقریب نال خطاب کررہے سن۔ تقریب وچ لہور چیمبر آف کامرس اینڈ انڈسٹری دے عہدیداراں، غیر ملکی سفارتکاراں تے ہور نمایاں شخصیتاںوی رلتی سن۔ صدر مملکت نے آکھیا کہ حکومت نے آئی ٹی دے شعبہ نوں جنی مراعات دتی اے اوہنی کسی ہور شعبہ نوں نہیں دتی گئی،