ملک وچ اَت گردی دے پیش نظر الرٹ جاری

لہور( پنجابی میڈیا گروپ) نیشنل کرائسز انفارمیشن مینجمنٹ سیل نے ملک وچ ممکنہ اَت گردی دے پیش نظر الرٹ جاری کردتا۔ تفصیل دے مطابق نیشنل کرائسز انفارمیشن مینجمنٹ سیل ولوں چاراں صوبیاں، گلگت بلتستان تے آزاد کشمیر دے چیف سیکرٹریاں ، آئی جیز ،ایف آئی اے ، ایف سی سنے ہور اداریاں دے سربراہواں نوں مراسلہ جاری کیتا گیا اے جس وچ آکھیا گیا اے کہ ملک بھر وچ حالیہ دناں اَت گردی دے واقعات دے پیش احتیاطی اقدامات کیتے جان۔ مراسلے وچ آکھیا گیا اے کہ سبی بم دھماکے توں بعد اَت گردی ہور ودھ گئی اے۔