ضیاء الحق دی قبراُتے نعرے بازی پارٹی پالیسی دی نمائندگی نہیں ‘ ترجمان بلاول بھٹو

لہور( پنجابی میڈیا گروپ) پاکستان پیپلزپارٹی دے چیئرمین بلاول بھٹو زرداری دے ترجمان ذوالفقار علی بدر نے اسلام آباد وچ جنرل(ر)ضیا الحق دی قبر اُتے جیالیاں دی نعرے بازی اُتے مذمتی بیان جاری کردتا ۔ بلاول بھٹو دے ترجمان نے آکھیا کہ ضیا ء الحق دی قبر اُتے نعرے بازی اخلاقی طور اُتے اک نامناسب واقعہ سی تے ایہ نعرے بازی کجھ جیالیاں ولوں کیتی گئی۔اوہناں نے آکھیا کہ نعرے بازی پارٹی دی کسی پالیسی دی نمائندگی نہیں تے کسی وی کارکن ولوں کوئی وی نازیبا عمل پارٹی دا بیانیہ نہیں ہوسکدا۔