اتحادی فوج پوری طرح تیار اے، نیٹو سکریٹری جنرل

برسلز(پنجابی میڈیا گروپ) شمالی اوقیانوس دے اتحاد نیٹودے سکریٹری جنرل ینس اسٹولٹنبرگ ہوراں آکھیا کہ اتحادی فوج پوری تیاری دی حالت وچ اے تے اسیں نیٹو اتحاد دے رکن ملکاں وچ امن مضبوط بنان لئی کم کر رہے ہاں۔ میڈیارپورٹس دے مطابق امریکی وزیر دفاع لائیڈ آسٹن دے نال اک پریس کانفرنس وچ ینس نے آکھیا کہ امریکا ولوں ہور فوجیاں نوں یورپ گھلنا اک بھرپور پیغام اے، اوہناں نے واضح کیتا کہ مشرقی یورپ دے ملک نیٹو اتحاد دا اک اہم جزو نیں۔