گُڈی دی ڈور نے نوجوان دی زندگی کھو لئی

لہور(پنجابی میڈیا گروپ)حکومت دے نوٹس دے باوجود پتنگ بازی دا خونی کھیڈ نہ رک سکیا ، علامہ اقبال ٹائون دے علاقہ وچ کٹی پتنگ دی ڈور نے 24ورھے دے نوجوان دی زندگی کھو لئی، وزیراعلیٰ پنجاب سردار عثمان بزدار نے نوٹس لیندیاںہویاں رپورٹ منگ لئی ، ایس ایچ اوعلامہ اقبال ٹائون نوں معطل جدکہ ڈی ایس پی دے خلاف محکمانہ کارروائی دا حکم دے دتا گیا ۔دسیا گیا اے کہ رات گئے علامہ اقبال ٹائون دا رہائشی 24سالہ دانیال یاسر موٹر سائیکل اُتے گھر واپس آرہییا سی کہ کٹی پتنگ دی ڈور پھرن نال شدید زخمی ہو گیا جس نوں تشویشناک حالت وچ ہسپتال پہنچایاگیا مگر اوہ جانبر نہ ہو سکیا ۔