اپوزیشن آکھاں توں عمران خان دے بغض دی پٹی اتارے’ ہمایوں اختر خان

لہور(پنجابی میڈیا گروپ) پاکستان تحریک انصاف دے سینئر مرکزی رہنما و سابق وفاقی وزیر ہمایوں اختر خان نے آکھیا اے کہ وزیر اعظم عمران خان نے اپنے عزم تے وژن نال پاکستان نوں معاشی مشکلاں دی دلدل توں باہر کڈیا اے تے ایہی غیر معمولی کامیابی اپوزیشن نوں ہضم نہیں ہو رہی،دن رات ووٹ نوں عزت دیو دا راگ الاپن والے دسن کہ کیا عوام نے تحریک انصاف دی حکومت نوں اپنے ووٹاں نال 5ورھے دا مینڈیٹ نہیں دتا؟2023ء وچ انتخابی میدان لگے گا جیتھے اپوزیشن دے منفی پراپیگنڈے نال نہیں بلکہ عوام دے ووٹاں نال فیصلہ ہونا اے۔اپنے بیان وچ ہمایوں اختر خان نے آکھیا کہ وزیر اعظم عمران خان اپوزیشن دیاں ساریاں جماعتاں دے اکٹھ دے باوجود اوہناں دے ساہمنے تنہا ڈٹ کے کھڑے نیں تے کسی نوں شائبہ تک نہیں ملا کہ عمران خان اپوزیشن دے اتحاد توں خوفزدہ نیں۔