پہلی وار سپریم کورٹ آیا ،ایہ حکومت ای ناجائز اے،مولانا فضل الرحمن

اسلام آباد (پنجابی میڈیا گروپ) جمعیت علمائے اسلام (ف) دے سربراہ مولانا فضل الرحمن نے آکھیا اے کہ پہلی وار سپریم کورٹ آیا ،ایہ حکومت ای ناجائز اے ۔ سپریم کورٹ دے باہر صحافی نے سوال کیتا کہ کیا منتخب نمائندے نکام ہوئے کہ ہن معاملات کورٹ تک اپڑ گئے؟جس اُتے مولانا فضل الرحمن نے آکھیا کہ عدالت وی پاکستان دا اک ادارہ اے۔صحافی نے سوال کیتا کہ ہر3 ورھے بعد منتخب اینج ہونا کیا تریخ لئی درست اے؟مولانا فضل الرحمن نے آکھیا کہ ایہ حکومت ای ناجائز اے،میں پہلی وار سپریم کورٹ آیا ہاں۔صحافی نے سوال کیتا کہ کیا عدالت وچ وزیر اعظم دے خلاف ایس طرح آنا درست اے؟ ۔ مولانا فضل الرحمن نے جواب دتا کہ کیا تُسی اینج دی نالائق حکومت لئی ہمدردیاں پیدا کرنا چاہندے او۔ بلاول بھٹو زرداری نے آکھیا کہ انصاف لئی عدالت آئے ہاں، اُمید اے کہ عدالت آئین تے قنون دے مطابق فیصلہ کرے گی۔