آئی ایم ایف کہہ رہیا اے پاکستان مضبوط ہورہیا اے، وزیر اعظم

اسلام آباد (پنجابی میڈیا گروپ)وزیر اعظم عمران خان نے آکھیا اے کہ ملک دی معیشت مستحکم ہورہی اے، آئی ایم ایف نے وی نشاندہی کیتی اے پاکستان مضبوط نمو ول جا رہیا اے،پاکستان دی تریخ وچ صحت اُتے اینہا کم کسی نے نہیں کیتا ،اسیں سندھ دے سوا سارے صوبیاں وچ اینج ہیلتھ انشورنس دے رہے ہاں جییہڑے دنیا دے ترقی پزیر ملکاں وچ وی نہیں۔ پیر نوں پمز ہسپتال دی تقریب نال خطاب کردیاں ہویاں وزیر اعظم عمران خان نے آکھیا کہ جدوں حکومت آن توں بعد جدوں میں پہلی وار پمز دی ایمرجنسی دا دورہ کیتا تے میں محسوس کیتا کہ ایتھے ایمرجنسی دے حالات بوہت برے سن،اسیں چاہندے ساں کہ ایتھے بنن والی ایمرجنسی خاص ہوئے ۔اوہناں نے آکھیا کہ ایس ایمرجنسی دے ڈیزائن لئی اوور سیز پاکستانیاں نے مالی مدد کیتی اے جیہڑے پاکستان دی ترقی لئی پْر عزم نیں۔