چج ادبی پروار جھنگ پنجاب پاکستان دا مہینہ وار پنجابی ادبی اکٹھ نشست مشاعرہ

اِکٹھ وچ پنجابی دے لہجے پوٹھوہاری نوں زبان دا درجہ دین اتے ادارہ شماریات خلاف احتجاج دی کال دتی گئی

جھنگ(پنجابی میڈیا گروپ) چج ادبی پروار جھنگ پنجاب پاکستان دی چھتر چھانویں 19 مارچ بروز ہفتہ آلے دیہاڑ ہادی ڈیرہ میاں صفدر محمود ایڈووکیٹ دارالسکینہ روڈ جھنگ پنجابی ادبی اکٹھ نشست مشاعرہ دا اہتمام کیتا گیا مشاعرہ دی شروعات تلاوتِ قرآنِ مجید توں ہوئی جس دی سعادت پنجابی شاعر ملک عبد الطیف شیدائی ہوراں حاصل کیتی ۔نعت رسول مقبول دی سعادت پنجابی شاعر اعجاز حسین جازو ہوراں حاصل کیتی۔ مشاعرہ دی صدارت پنجابی ادب دے نامور شاعر استاد الشعرا حاجی ملک عبد الطیف شیدائی ہوراں کیتی مہمان خصوصی چج ادبی پروار جھنگ دے سرپرست میاں صفدر محمود ایڈووکیٹ ہن ۔اعزازی مہمان پنجابی شاعر حاجی محمد علی شاد تے حاجی تصور عباس ہن مشاعرہ وچ پنجابی ادب دے نامور شاعر فخر جھنگ ناصر علی تائب مرحوم تے پنجابی شاعر اعجاز حسین جازو ہوراں دے ماموں محروم واسطے دعا مغفرت کرائی گئی رب العالمین آپنے حبیب دے صدقے جنت الفردوس نصیب کرے آمین۔ سٹیج سیکرٹری دے فرائض پنجابی شاعر عبد الرحمن ساجد ہوراں ادا کیتے مشاعرہ دے شعرا کرام وچ حاجی ملک عبد الطیف شیدائی عبد الرحمن ساجد احمد بشیر لنگاہ صابر علی صابر منظور حسین صفدر اعجاز حسین جازو خیرات علی خیرات ملازم حسین کاشی چوہدری نذیر ارمان ملک نیاز عباس نیاز مہر الطاف حسین میانہ حاجی ملک محمد علی شاد میاں صفدر محمود ایڈووکیٹ مدثر رفیق حاجی تصور عباس جہانگیر ہیرو انعام الحق تے عوام دی کثیر تعداد رلت کیتی۔ مشاعرہ دے شعرا کرام آپنا چونڑواں کلام سنایا تے ڈھگ داد وصول کیتی ۔مشاعرہ دے آخیر وچ ملک پاکستان پنجاب تے پنجابی زبان دی ترقی واسطے دعا کرائی گئی تے پنجاب دی ونڈ تے پنجابی زبان دی ونڈ تے سخت ردعمل دیتا گیا تے آکھیا گیا کہ پنجاب تے پنجابی زبان دی ونڈ ضلع جھنگ دی ساریاں ادبی تنظیماں ہک مٹھ ہو کے آپنا کردار ادا کرسن تے انشا اللہ پنجاب دشمن نوں سختی دے نال جواب دیتا جاسی اسیں ادارہ شماریات ولوں پنجابی زبان دے ہک لہجے پوٹھواری نوں زبان دا درجہ دین دی سخت مذمت کریندے ہائیں ادارہ شماریات ایس نوٹیفکیشن نوں فل فوری واپس لوے تے پنجابی زبان دا صدیاں پرانا سٹیٹس بحال کرے نئیں تے وت اساں اس دا احتجاج سڑکاں تے نکل کے کرن واسطے مجبور ہو جاواں گئے مشاعرہ دے آخیر تے میاں صفدر محمود ایڈووکیٹ ہوراں ولوں چاہ بسکٹ دا خوبصورت اہتمام کیتا گیا۔