عثمان بزدار بدلن دے مطالبے توں اک انچ وی پیچھے نہیں ہٹاں گے’عون چوہدری

لہور(پنجابی میڈیاگروپ) جہانگیر ترین گروپ دے سینئر رہنما عون چوہدری نے آکھیا اے کہ عثمان بزدار دی تبدیلی دے مطالبے توں اک انچ وی پیچھے نہیں ہٹاں گے۔ نجی ٹی وی دے مطابق جہانگیر ترین گروپ نے مائنس بزدار مطالبہ واپس لین دی حکومتی درخواست اک وار فیر مسترد کردتی اے۔ گروپ دے سینئر رہنما عون چوہدری نے آکھیا اے کہ ساڈے اپوزیشن تے حکومت نال رابطے جاری نیں، روزانہ دی پیش رفت دے حوالے نال باہمی مشاورت وی کررہے ہاں۔