حکومت نے آئل کمپنیاں نوں ڈیزل اُتے ہون والے نقصان دے20ارب روپے ادا کردتے

لہور(پنجابی میڈیا گروپ) آئل کمپنیاں نوں ڈیزل اُتے ہون والے نقصان دی پہلی قسط ملن نال ملک وچ پیٹرول بحران دا خدشہ ٹل گیا۔حکومت نے آئل کمپنیاں نوں ڈیزل اُتے ہون والے نقصان دی مد وچ یکم توں 15مارچ تک دے 20ارب روپے ادا کردتے۔ پٹرول ڈویژن حکام دے مطابق ملک وچ ڈیزل دا28دناں دا ذخیرہ موجود اے۔ایس توں پہلاں16مارچ نوں آئل کمپنیز ایڈوائزری کونسل نے تیل مہنگا خرید کے سستا ویچن توں انکار کر دیاں ہویاں حکومت نوں پرانے خسارے دی ادائیگی لئی30 مارچ تک دی ڈیڈ لائن دتی سی۔